जे नकोय ते बाजूला कर!

A click by: Varun Bhagwat

"सुचत नाहीये."
"काय?"
"काहीच नाही."
"असं का?"
"माहीत नाही."
"मला माहितीये."
"मनकवडा आहेस का?"
"हाहा..."
"हसू नको. उत्तर दे."
"सुचत नाहीये म्हणजे छान किंवा नवं काही सुचत नाहीये. बरोबर?"
"हो."
"कारण तुझं मन बाकी विचारांनी preoccupy झालंय."
"As in?"
"आधीच ज्या गोष्टी पटल्या नाहीत, पण बदलणं तुझ्या हातात नाही त्या विचारांनी अस्वस्थ झालायस. किंवा इतरही demotivating thoughts मनात घोळतायत."
"हं. पण मग करू तरी काय?"

"सोड."
"असं कसं सोड?"
"तू ज्याचा विचार करत आहेस ते केवळ विचार करून बदलेल?"
"नाही."
"तू नुसताच गप्प बसून राहिला आहेस का?"
"नाही. मी try केला काही प्रमाणात जे पटत नाही ते बदलण्याचा. थोडा demotivate झालो तर स्वतःला push करण्याचा."
"आणि?"
"थोडं बदललं."
"Good."
"Good काय? बाकीचं..."
"सगळं कसं मनासारखं होईल?"
"कळतंय मला."
"मग वळत का नाही?"
"कारण काय करावं समजत नाही."
"सोड."
"म्हणजे?"
"Make peace with it."
"काय?
"हो. शक्य होतं ते तू केलंस. बाकी तुझ्या हाताबाहेर आहे. मग जितका चांगला बदल तुझ्या परीने करू शकलास त्याबद्दल आनंदी राहा. नाहीतर कायमच असंतुष्ट राहशील. नाही त्या विचारांनी preoccupy राहशील. नवं सुचणार नाही."

"पण मग मी पळ काढतोय असं वाटतं!"
"मुळीच नाही. पळ काढणारा माणूस हा घाबरून त्या घटनेचा विचारच करत नाही. तू अती- विचार करतोस. मध्य गाठायचा प्रयत्न कर."
"कसा?"
"हे बघ. तू पळपुटा नाहीस. तू झाल्या घटनेला, आल्या परिस्थितीला भिडणारा माणूस आहेस. एकच कर. तुझ्याकडून सारं करून झालं की मग सोडून दे. काही जण विषय सोडून देतात, काही जण पळ काढतात.  मी तुला गोष्टी सोडून द्यायला सांगतोय, पळायला नाही. दोन्ही गोष्टी भिन्न आहेत."
"कशा?"

"सोडून देणं म्हणजे मी म्हणालो तसं to make peace with it. मी पूर्ण प्रयत्न केले. त्यापुढे practically काही करणं शक्य नसेल तर विचार करायचा नाही. नाहीतर मनात गोष्टी धुमसत राहतात. ते बरं नाही. तलवार म्यान करायची नाही. पण अकारण दिशाहीन फिरवायची पण नाही. योग्य वेळ आली की पुन्हा आपलं म्हणणं मांडण्याची संधी येते. धुसफूस करून उपयोग नाही, कारण त्यातून काही साध्य नाही. म्हणणं इतकंच आहे की अकारण न होणाऱ्या गोष्टी imagine करत रक्त जाळत राहणं बरं नाही. विचारांना पटकन बांध घालणं अवघड असतं. ते धावतात अश्वासारखे. ती घोडदौड थांबवायला लगाम आपल्या हाती हवा. वेळीच declutter करता आलं पाहिजे. त्या त्या वेळेला बोलून मोकळं व्हावं. मग नंतर मी हे केलं असतं, ते केलं असतं ही भावना राहत नाही."
"तशी भावना राहिलीच तर?"

"तर मग पुन्हा बोलून पाहायचं. प्रयत्न करायचा. पण डोक्यात ठेवायचं नाही. धुमसत राहिलं की अनेकदा चुकीच्या वेळी ते बाहेर पडण्याची शक्यता असते. यात नेमकी चांगली नाती बिघडण्याची शक्यता असते."
"Mind Declutter करणं, I mean नको त्या गोष्टी मनातून काढून मन ताजं करणं गरजेचं आहे हे पटतंय मला, पण..."

"पण काय?"
"काही नाही."
"विचार येतात."
"ते येणारच."
"कोणते विचार जास्त प्रभाव करतात त्यावर सारं अवलंबून. त्यांना काही प्रमाणात काबूत ठेवणं तसं तर आपल्या हातात नाही, पण म्हटलं तर आपल्याच हातात आहे. कारण त्या विचारांना shape आपणच देऊ शकतो. Try देऊन बघ. हे करण्यात नुकसान नक्की नाहीये म्हणून म्हणतोय. नवे विचार डोक्यात शिरू द्यायचे असतील तर शिळे आणि नकारात्मक विचार, मन आणि डोकं occupy करून टाकणारे नकोसे विचार बाजूला ढकलायला हवे ना! तर तुझी सर्जनशीलता समोर येईल. तुलाही कामात मजा येईल. तू फार sensitive आहेस. Sensitive माणसं लवकर दुखावतात. लवकर स्वतःला त्रास करून घेतात. १०० चांगल्या विचारांवर १ नकोसा विचार भारी पडतो. हो की नाही?"

त्याने होकारार्थी मान डोलावली. त्याला मनोमन पटलं. किंचित हसला. काही काळ तसाच शांत बसला.

- वरुण भागवत