Skip to main content

भांडण

A Click by: Sushil Ladkat


एकदा काही कारणावरून एकाच team मध्ये असणाऱ्या रंजन आणि शार्दुल यांच्यामध्ये वादावादी झाली. मात्र थोड्याच वेळात त्या दोघांमधल्या senior ने अर्थात शार्दुलने पटकन हार मानली आणि म्हणाला, “तुझं बरोबर आहे, रंजन... आपण नंतर बोलू. आत्ता इथे नको.”

यानंतर मध्ये २ दिवस गेले. शार्दुल त्याच्या cabin मध्ये एकटाच बसला होता. रंजन cabin चा दरवाजा knock करत आतमध्ये आला. काही काळ तो काही बोलेचना. मग शार्दुलनेच विचारलं, “काय रे, anything serious?” रंजन म्हणाला, “नाही. nothing.” शार्दुलला आश्चर्य वाटून तो म्हणाला, “काहीच नाही. मग काही काम आहे का?” रंजन उत्तरला, “काम असं नाही. पण बोलायचं होतं.” शार्दुलने laptop lock केला आणि म्हणाला, “बोला.” रंजन म्हणाला, “Actually, परवा जो आपला वाद झाला, तो data मी पुन्हा पाहिला आणि मग लक्षात आलं की you were right. माझंच चुकलं होतं.”

“हं...” शार्दुलने respond केलं.

“पण शार्दुल, you are senior. तुझं बरोबर पण होतं. पण मग तू तिथे माझं बरोबर आहे असं का म्हणालास?”

“ती जागा वाद घालण्याची नव्हती.”

“मी समजलो नाही.”

“तुला दोन सिंहांची गोष्ट माहितीये?”

“इथे सिंह कुठून आले?”

“ऐक तर. दोन सिंह एकाच वेळी पाणवठ्यावर पोचले. आता २ सिंह ना ते. Ego आडवे आले, आधी पाणी कोणी प्यायचं यावरून. अर्थात झोंबाझोंबी सुरु झाली. ते इतके भांडले की दोघेही या फालतू कारणावरून जीव गमावून बसले असते.”

“मग मेले का दोघं?”

“नाही. त्यांच्यातलं त्राण कमी होऊ लागलं. तेवढ्यात त्यातल्या एकाने वरती गिधाडं फिरताना पाहिली. त्याला कळून चुकलं की ही आपल्या मरण्याची वाट पाहतायत. आपण मेलो की आपल्यावर ताव मारायला हे मोकळे. म्हणून त्या दोघांनी सलोखा केला आणि तो सिंह दुसऱ्याला म्हणाला, “तुझं होऊ दे. मग मी पाणी पितो.”

“दोघे वाचले?”

“Absolutely. आता हा scenario त्या दिवसाशी relate कर. आपला वाद नेमका मोकळ्या जागी चालू होता जिथे इतर सर्वांचा वावर असतो. Team मधल्या लोकातच झालेली भांडणं बाकीच्या लोकांसाठी अनेकदा फायद्याची असतात. असे काही लोक असतात जे आपल्या वाईटावर टपलेले असतात. I knew की माझं बरोबर होतं, तिथे तुला हरवून मी माझा ego सुखाऊ शकलो असतो. पण आपण चांगल्या terms वर काम करत नाही असं उगाचच बाहेरच्यांना वाटलं असतं. रंजन, तिथे स्वत:चा फायदा बघणारे लोक होते ज्यांना कुणकुण लागली असती की यांच्यात आपसात मतभेद आहेत. अशा गिधाडांपासून सावध राहणं आणि तुला सावध करणं हे जास्त महत्त्वाचं. मी बरोबर आहे या पेक्षा आपण सोबत असणं माझ्या दृष्टीने जास्त महत्त्वाचं आहे.”  

 

-       वरुण भागवत

-  

Comments

  1. शार्दूल अंगी बाणावा म्हणजे नक्कीच गिधाडांचं फावत नाही, मस्त कथा

    ReplyDelete

Post a Comment

Popular posts from this blog

Parking आणि त्या तिघी!

  ईशा किराणामालाच्या दुकानातून दोन जड पिशव्या तिच्या नाजूक हातात घेऊन आपल्या two wheeler पाशी पोहोचली. तिथे गेल्या गेल्या तिला दिसलं की तिच्या गाडीच्या दोन्ही बाजूंना चिकटून दोन गाड्या लावल्या आहेत. आणि या तीनही गाड्या side stand वर आहेत. बाकीच्यांनी गाड्या side stand वर लावण्याचं कारण म्हणजे mostly आळस किंवा parking मध्ये दुसऱ्याची गाडी काढायला लावायला अवघड जाईल यांचं भान नसणे. ईशाने side stand वर लावण्याचं कारण आळस नव्हतं, तिला भान होतं; पण तिच्या नाजूक बांध्याला गाडी double stand वर लावणं म्हणजे कमरेची वाट लावून घेण्यासारखं होतं. त्यामुळे ती गाडी side stand वर लावायची. त्यामुळे गाडी काढताना अडचण होणं हा आजचा problem नव्हता. पण नेहमी कोणी ना कोणी सहाय्यास येई. आज मात्र गाडी main road पासून आत साधारण ५०० मीटर अंतरावर असणाऱ्या गल्लीत, उजवीकडे वळून अजून पुढे १०० मीटरवर असणाऱ्या किराणा दुकानासमोर होती. दुपारचा १ वाजला होता. Grocery shop मध्ये सकाळच्या सत्रातली ईशाच शेवटची customer होती. तिने सामान भरताच Shutter down करून ईशा गाडीजवळ येईपर्यंत भरत भाई निघून गेला. गल्ली, दुपारी १ ची व...

कर्माचं Circle

A Click by- Sushil Ladkat एक होता उंदीर आणि एक होता बेडूक. यांची झाली मैत्री. थोडं odd होतं हे combination. उंदीर बिचारा भोळा आणि बेडूक थोडा लबाड. हा बेडूक उंदराशी वाट्टेल तसं विचित्र वागायचा आणि त्याचं त्या बेडकाला कधीच काही वाटायचं नाही. त्याला तो कायम कमी लेखायचा. उंदीर त्याचं काहीच वाकडं करू शकणार नाही याची त्याला खात्री होती आणि हे बऱ्यापैकी खरं सुद्धा होतं. उंदीर कधीच काही बोलायचा नाही. असली मैत्री तरी का असावी असा एक प्रश्न कोणालाही पडला असता. पण ज्याला पडायला पाहिजे त्या उंदराला तो पडत नव्हता. पर्याय नसल्यासारखं , जगातले इतर मित्र संपल्यासारखा तो घाबरून का होईना त्याच्यासोबत राहत होता. त्यामुळे बेडकाचं असं बेदरकार वागणं वाढू लागलं. एक दिवस तर बेडकाने कहर केला. त्याला उंदराची अतीशय नीच दर्जाची मस्करी करायची लहर आली. त्याने उंदराचा पाय स्वतःच्या पायाला बांधला आणि उड्या मारत फेरफटका मारायला निघाला. उंदीर फरफटत त्याच्या सोबत ओढला जाऊ लागला. डबकं तर बेडकाची अतीशय लाडकी जागा. त्याने उंदराचा आणि बाकी कसलाच पुढचा मागचा विचार न करता डबक्यात उडी टाकली. स्वतः मस्तपैकी पाण्यात खेळू ल...

Confidence आणि Overconfidence

A click by - Varun Bhagwat एक होता राजा त्याची खुशीत होती प्रजा! दरबारी आला मूर्तीकार, म्हटला माझ्यासारखे दिसणारे पुतळे बनवेन मी हजार! सगळ्यांना ऐकूनच वाटला हा चमत्कार, गर्वाने फुलून मूर्तीकार म्हणाला , " अशक्य आहे माझी हार!" हे सगळं नाटक संपल्यानंतर राजा म्हणाला , " इतका विश्वास आहे स्वतःवर ?" मूर्तीकार हसत म्हणाला, " मी माझ्यासारखे दिसणारे ९९९ पुतळे बनवेन आणि त्या पुतळ्यांमध्ये मी स्वतः जाऊन उभा राहीन. तुम्हाला त्या सर्वांमधून मला शोधून काढावं लागेल.” “मान्य!” राजा म्हणाला. मूर्तीकाराने अगदी हुबेहूब पुतळे बनवले. त्या सर्व पुतळ्यांना सारखी वेशभूषा आणि एक उभी राहण्याची विशिष्ट पद्धत देऊ केली. तशाच पद्धतीत आणि वेशभूषेत तो त्यांच्यात मिसळून उभा राहिला. राजाला बोलावलं गेलं. राजाने सगळ्या पुतळ्यांचं वेशभूषेसकट निरीक्षण केलं. राजाला त्याच्या skills चं आणि कलेचं कौतुक वाटलं, मात्र राजाला त्याची बोलण्याची पद्धत पटली नव्हती. मूर्तीकाराला त्याच्या skills चा अभिमान असता तर ठीक पण त्याला तर गर्व झाला होता. अभिमान असणं आणि स्वत:च्या कलेबाबत confident असणं उत्तम. पण o...